A agrupación de O Fiadeiro está composta por diferentes corpos de música, canto e baile. Máis de 50 artistas son os encargadas da representación artístico-escénica do folclore tradicional galego, recuperado tal e como nos foi legado polos nosos maiores e posto en valor riba dos escenarios.

Pandereteiras O Fiadeiro
Grupo feminino que interpreta un amplio repertorio de cancións de raiz acompañándose de diversas percusións como pandeiretas, pandeiras, latas...

Pandereteiros O Fiadeiro
Conxunto masculino de cantares tradicionais que interpretan melodías de recollida acompañándose de percutivos varios de orixe popular.

Grupo de música tradicional O Fiadeiro
Agrupación musical composta que interpretan todo tipo de melodías e ritmos bailables, propios da tradición ó longo das diferentes épocas. Conxúgan os sons das gaitas de foles cos do clarinete, saxofón, acordeón e percusións variadas como o redoblante, a caixa, o bombo cos seus pratos, pandeireta, ferriño, cunchas...

Grupo de danzas tradicionais O Fiadeiro
Máis de catorce parellas de baile divididas en dous grupos. Interpretan danzas recuperadas das catro provincias galegas cos seus vestiarios propios e todo tipo de complementos. Sempre unidos ós diferentes grupos de acompañamento.